ඕනෑම පාස්වර්ඩ් එකක් ලබාගත හැකි මෙම දෝෂය, ඔබේ පරිගණකයේත් තිබිය හැක.

මෙම ලින්කුව ඔස්සේ වෙබ් අඩවියට පිවිසුනු විට ඔබේ පරිගණකයේත් එය පෙන්වන්නේ “www.apple.com” ලෙසද? එසේ නම් ඔබේ පරිගණකයේ බාවිතා කරන වෙබ් බ්‍රවුසරයත් දෝෂ සහිත එකකි.

සැළකිලිමත්වන්න මෙම දෝෂය හේතුවෙන් හැකර්වරුන්ට ඔබේ ෆේස්බුක් ඊමේල් බැංකු ගිණුම් ආදීයෙහි රහස් පද ලබා ගැනීම සඳහා පහසු අවස්ථාවක් උදාවී ඇත.

"ෆිෂිං" යනුවෙන් හඳුන්වනු ලබන මෙම ක්‍රමවේදයේදී සිදුවන්නේ බාවිතා කරන්නා නොමඟ යවා අවශ්‍යය තොරතුරු ලබා ගැනීමය. උදාහරණයකට ෆේස්බුක් වල පෙනුමට සමානවූ පෙනුමක් සහිත වෙනත් වෙබ් අඩවියක් තනා යම් උපායකින් එම අඩවියට බාවිතා කරන්න යොමුකරවා එහි රහස්පදය ඇතුළු කළ විට එය ලබා ගැනීම මෙම උපක්‍රමයයි.

මෙයින් වැලකීමට ඇති පහසුම ක්‍රමය යම් වෙබ් අඩවියකට ඇතුළු වීමට පෙර එහි වෙබ් ලිපිනය නිවරදි බවට සැක හැරදැන ගැනීමයි. උදාහරණයකට ෆේස්බුක් අඩවියට පිවිසෙන්නේ නම් බ්‍රවුසරයේ ඉහල වෙබ් ලිපිනය www.facebook.com  ලෙස අනිවාර්යෙන් සටහන් වී තිබිය යුතුයි. ඒ වෙනුවට එහි ඇත්තේ සමාන හෝ වෙනත් ලිපිනයක් නම් පෙනුමට සමාන වුවද එය ෆේස්බුක් අඩවිය නොවේ. මේ අයුරින් වෙබ් ලිපිනය පිළිබඳව සැළකිලිමත් වීමෙන් පහසුවෙන්ම මෙවැන්නකින් ගැලවි යමේ හැකියාව තිබුනි.

නමුත් මෑතකදී සොයාගත් වෙබ් බ්‍රවුසර්වල මෙම දෝෂයක් හේතුවෙන් මෙසේ වෙබ් ලිපිනය බලා මෙවැනි අවධානමකින් ගැලවීමේ හැකියාව තර්ජනයකට ලක්වී ඇත.

ඉහත ලින්කුව මගින් පිවිසි විට පෙන්වන වෙබ් අඩවියේ වෙබ් ලිපිනය “www.apple.com” ලෙස පෙන්වූවද එය ඇපල් සමාගමේ නියම වෙබ් අඩවිය නොව ව්‍යාජ වෙබ් අඩවියකි. (ඇපල් සමාගමේ වෙබ් අඩවියට www.apple.com මෙතැනින්)

ඇපල් ව්‍යාජ වෙබ් අඩවිය

ඇපල් සත්‍ය වෙබ් අඩවිය

ව්‍යාජ වෙබ් අඩවියේ මෙන්ම නියම වෙබ් අඩවියේ ද වෙබ් ලිපිනය ලෙස පෙන්වන්නේ “www.apple.com “ලිපිනයමය එහෙයින් වෙබ් ලිපිනය බලා මෙම වෙබ් අඩවි දෙක හඳුනාගැනීමට කිසිසේත් හැකියාවක් නැත.

පුනිකෝඩ් ෆිෂිං ඇටෑක් (Punycode Phishing Attacks) ලෙස හඳුන්වනු ලබන මෙම ක්‍රමය විශේශයෙන්ම ක්‍රෝම් (Chrome) ෆයර් ෆොක්ස් (Firefox) ඔපෙරා (Opera)  යන වෙබ් බ්‍රවුසරවල පවතින යුනිකෝඩ් අකුරු පරිවර්ථන ක්‍රියාවලියේ දෝෂයක් හේතුවෙන් සිදුවන්නකි. මයික්‍රසොෆ්ට් එජ් සහ සෆාරි වෙබ් බ්‍රවුසර් මෙම දෝෂයෙන් ආරක්ෂිතය.

ෆයර් ෆොක්ස් බාවිතා කරන්නන්ට පහත ක්‍රමයෙන් මෙයින් යම් ආරක්ෂාවක් ලබා ගත හැකි වුවද ක්‍රෝම් බ්‍රවුසරය සඳහා මෙවැනි ආරක්ශක ක්‍රම වේදයක් මෙතෙක් නැත.

Firefox  බාවිතා කරන්නන් සඳහා

1. about:config ලෙස බ්‍රවුසරයේ ඇඩ්‍රස් බාර් හී ටයිප් කර එන්ටර් යතුර ඔබන්න

2. Punycode ලෙස සර්ච් කරන්න

3. network.IDN_show_punycode  හි ඇති false  යන්න true  ලෙස වෙනස් කරන්න.

ෆයර් ෆොක්ස් බාවිතා කරන්නන්ට මෙවැනි ක්‍රමවේදයක් තිබුනද ක්‍රොම් හා ඔපෙරා සඳහා තවමත් මෙයින් ආරක්ෂා වීමට ක්‍රම වේදයක් නැත. කල හැකි එකම දෙය නම් ෆේස්බුක් ඊමේල් ආදී සංවේදී දත්ත සහිත වෙබ් අඩවි වලට පිවිසීමේදී වෙබ් ලිපිනය තමන් විසින්ම ටයිප් කර පිවිසෙනවා හැර කිසි වෙටකත් එම වෙබ් ලිපිනය සහිත ලිංකුවක් මත ක්ලික් කිරීමෙන් ඒවාට නොපිවීසීමට වග බලා ගැනීමය.

අංකල්ලගේ අපේ කතා...

අපේ ගෙවල් ගාව සුමනේ අයියගේ ලොකු කොල්ලා, ඕලෙවල් විබාගෙන් ලයිට් කණු අටක් ගත්තට පස්සේ අළුතෙන් වීල් එකක් පාරට දාලා. පුහ්  බලන්න එපාය දැන් කොල්ලගේ හැඩ. යස අගේට කළු පාටට තිබිච්ච කොණ්ඩේ පැත්තක් දුඹුරු පාට කොරලා, යාන්තමට වැවීගෙන එන දැලි රැවුල පොන්ටින් කට් එක තියලා ඒ මදිවට එක කනකට කරාබුවකුත් දාලා, හන්දියේ කඩෙන් ගත්ත කළු කණ්නාඩි දෙකත් ඔළුවෙ දාගෙන කොයි වෙලෙත් ඌ යන්නේ නිකං සලමන් කාන්ගේ අඳුරන පුංචි අම්මගෙ පුතා වගේ. ඌට හපන් උගේ ත්‍රීවීල් එක. ඒක ඉස්සරහින් බැළුවම ටොයොටා, පැත්තට බැළුවම නිසාන් පිටිපස්සෙන් බැළුවම ප්‍රාඩෝ. ගොම්මන් කළුවරේ පාරේ යද්දි හරියට නිකං තොටළඟ තොරණ ගමට ගෙනැල්ලා වගේ. පටාචාරා කතා වස්තුව හරි වෙස්සන්තර ජාතකේ හරි පෙන්නන තොරණේ විස්තරේ වගේම මුගේ ත්‍රීවිල් එකෙත් කොයි වෙලාවෙත් යන්නේ මිනිහා දාලා ගිහිල්ලා අඬා වැටෙන ගෑනුන්ගේ දුක් අඳෝනා ගැන සින්දු යි, ගෑනි වෙන මිනිහෙකුට දන් දීපු මිනිස්සුන්ගේ දුක් අඳෝනා යි ගැන සින්දු විතරයි. ඒකත් ඉතිං හෙමිං එහෙම නොවෙයි අහල ගම් හතකටම ඇහෙන්න.

වයිෆයි බාවිතය ප්‍රවේශමෙන්

 

   වයිෆයි (Wi-Fi) නැතහොත් රැහැන් රහිත දත්ත හුවමාරු ක්‍රමවේදය යනු අද තාක්ෂණය බාවිතා කරන බොහෝ දෙනෙකුට නැතිවම බැරි දෙයක්. නිවසේ දී, කාර්යාලයේ දී මෙන්ම මගතොටදී ද අද බොහෝ දෙනා මේ තාක්ෂණය භාවිතයෙන් ප්‍රයොජන ලබාගන්නා බව නොරහසක්.  අන්තර්ජාලය බාවිතා කරන නිවාස, කාර්යාල බොහෝමයක් අද අන්තර්ජාල පහසුකම ලබා ගැනීමට බාවිතා කරන්නේ වයි ෆයි තාක්ෂණය. එපමණක් නොවෙයි මහමග යන එන අතර හමුවන වයිෆයි ජාලයක් හා තම ජංගම දුරකථනයෙන් සම්බන්ධ වී අන්තර්ජාල පහසුකම ලබාගන්නා පිරිසත් බොහෝමයි. විශේෂයෙන්ම කොළඹ සහ අනෙකුත් ප්‍රධාන නගරවල, ප්‍රසිද්ධ ස්ථානවල නොමිලේ සම්බන්ධ වී අන්තර්ජාල පහසුකම් ලබාගත හැකි වයි ෆයි ජාලයන් සුලභව සොයාගත හැකියි. මෙතරම් සුලභ සහ පහසුවෙන් ලබාගත හැකි වයි-ෆයි ජාලයන් කෙතරම් දුරට ආරක්ෂිතදැයි ඔබ කෙදිනක හෝ සිතා බැළුවාද?

පොලිසියෙන් දඩ ගැසූ දුර ගමන් සේවා රියදුරුගේ ඉල්ලීම...

අපි උදේ නැගිටින්නේ දෙකහ මාරට මහත්තයෝ, යන්තං මුණේ වතුර ඩිංගිත්තක් උළාගෙන තුන වෙද්දී එළියට බහිනවා ඊට පස්සේ ඕනර්ගේ ගෙදරට ගිහින් බස් එක අරගෙන ඇවිල්ලා තංගල්ලෙන් ටර්න් එකට ගහනවා. බස් එක තංගල්ලෙන් අදින්නේ උදේ හතරට. මිනිස්සු හිටියා නැතා හරියට හතරට බස් එක අද්දන්න ඕන.

ඊට පස්සේ  බෙලිඅත්තෙන් දික්වැලෙන් මාතරන් එකතු කරගෙන සීට් ගාන හදාගන්නේ බොහොම අමාරුවෙන්. ඒ කරා කියළා බස් එක නතර කරගෙන ඉන්න විදියක් නෑ.මොකද උදේ නමයට කලින් කොළඹට යන්න ඕන. උදේට යන බොහොමයක් යන්නේ උදේ ඔපිස් වල රාජකාරී වලට යන්න, ඒ මදිවට උදේ හත පනිද්දී දෙහිවල ගල්කිස්ස හරියේ ටැපික් එකට අහුවුනොත් දවසම අනාතයි. ඒ නිසා මාතරින් එහාට නැවතිල්ලක් නැතිව එක දිගට අරින එකම තමයි තියෙන්නේ. දොට්ට පිලකට යන්නවත් පොඩ්ඩක් නැවත්තුවොත් ඇතුලේ ඉන්න මිනිස්සුන්ගෙන් කුණුහරුප තමයි. ඒ මදිවට හයියෙන් යනකොට පාරේ ඉන්න අනිත් මිනිස්සුන්ගෙන බැණුම්.

යන්තන් අම්බලන්ගොඩ බලපිටිය හරියේ තේ බොන්න කියලා විනාඩි පහකට නවත්තලා, බනිස් ගෙඩියක් හරි ඔය මක්ක හරි කටේ ඔබාගෙන දොට්ට පිලට බැහැලා එනවා අයෙත් කොළඹට යනකම්ම ඉතිං එව්වා තදකොරගෙන තමයි.

මොබයිල් හැකිං (Mobile Hacking & Security)

පසුගිය කාලය තුළ පරිගණක තාක්ෂණය බාවිතය කෙතරම් ඉහල ගියත් අපේ රටේ පරිගණක ආරක්ෂාව පිළිබඳව නම් තවමත් තියෙන්නේ ඉතාම අඩු අවධානයක්.  මේ පිළිබඳව ක්‍රියාත්මක වන ආයතන සහ පුද්ගලයින් පවා පරිගණක ආරක්ෂාව ෆේස්බුක් හෝ එවැනි සමාජ ජාලයක් අවබාවිතයෙන් සිදුවන හානි වැනි සරළ කරුණකට ලඝු කරනු විනා ඉන් ඔබ්බට ගිය දැනුවත් කිරීමක් පවා කෙරෙනුයේ ඉතාම කළාතුරකින්. මේ නිසාම අපේ රටේ මේ පරිඝණක ආරක්ෂාව සහ පරිඝණක ආශ්‍රිත අපරාධ පිළිබඳව බොහෝ දෙනා තුළ තිබෙන්නේ අනවබෝධයක් සහ ඇල් මැරුණු ආකල්පයක්.

ඒ නිසාම අපේ රටේ බොහෝ පරිගණක පද්ධති හා පරිගණක තාක්ෂණය බාවිතා කරන උපකරණ තිබෙන්නේ ඉතාම අනාරක්ෂිත මට්ටමක.

මෙය අනතුරුදායක වන්නේ කෙසේද?

අද වන විට අප බොහෝමයක් දෙනා දැනුවත්ව හෝ නොදැනුවත්ව ජීවත් වන්නේ පරිගණක තාක්ෂණික උපකරණ පිරිවරාගත් වටපිටාවක, උදාහරණයක් ලෙස ඔබ නිවසේ කාර්යාලයේ බාවිත කරන පුද්ගල පරිගණක, ලැප්ටොප්, ජංගම දුරකථන, ස්මාර්ට් රූපවාහීනී, ආරක්ෂක කැමරා, වයිෆයි ජාල, ක්‍රෙඩිට් කාඩ්, වෙනකක් තබා ඔබ බාවිතා කරන ඔබේ මෝටර් රථය පවා අදවන විට නිපදවෙන්නේ මේ තාක්ෂණය බාවිතා කරමින්. මේ ආකාරයට සෑම මොහොතකම සෑම අවස්ථාවකම ඔබගෙ අතිශය පෞද්ගලික අවස්ථාවල පවා ඔබ සමඟින් සිටින මේ උපකරණයක් ඔබ පිළිබඳව ඔත්තු බලමින් වෙනත් පාර්ශවයකට දැනුම් දෙන්නට ගියොත් ප්‍රතිඵළය කුමක් විය හැකි ද?

මෙය ඇමරිකාවේ ඉංග්‍රීසි චිත්‍රපටයක පමණක් සිදුවිය හැකි දෙයක් ලෙස සිතෙනවා ද? ප්‍රවේසම් වන්න මේ මොහොතේත්  ඔබේ ජංගම දුරකථනය ඔබේ නිදන කාමරයේ සිට ඔබ පිළිබඳව ඔත්තු බලමින් ඔබේ ඡායාරූප ලබාගනිමින් ඔබ පවසන දේ වෙනත් පාර්ශවයකට පවසමින් සිටිනවා විය හැකියි.